‼️Мақомот гуфтанд, дар обхезиву сели Кӯлоб 850 оила зарар дидааст

Ин нукта дар ҷаласаи якуми ситоди ҷумҳуриявӣ барои бартарафсозии оқибатҳои селу обхезӣ дар ин шаҳр, ки дирӯз бо ширкати Қоҳир Расулзода, сарвазири кишвар дар Кӯлоб баргузор шуд, зикр шудааст.

Сарвазири кишвар ба масъулин супориш додааст, ки “аҳолии осебдида бо маводи сӯзишворӣ, оби ошомиданӣ ва нерӯи барқ сари вақт таъмин карда шаванд”. Ӯ ҳамчунин гуфтааст, ки бояд корҳои бартарафсозии оқибатҳои офати табииро ҳарчӣ зудтар ва бо сифати баланд ба анҷом расонанд.