Тоҷикони Екатеринбург ба зарардидаҳои обхезии Доғистон кумаки башардӯстона фиристодаанд

Тоҷикони шаҳри Екатеринбурги Русия рӯзи 21-уми апрел дар ду мошини борбар ба осебдидагони обхезиҳои ахир дар Доғистон кумаки инсондӯстона равон кардаанд.

Ба иттилои расмӣ, ин иқдом дар ҳамкорӣ бо Шӯрои ҳамоҳангсози Консулгарии умумии Тоҷикистон дар Русия анҷом шуда, ёриҳо аз маводҳои зарурӣ барои хона, либос, пойафзол, маводи сохтмон ва ғайра иборат будаанд, ки бо кумаки соҳибкорони тоҷик ва ҳамватанони муқими мо дар вилояти Свердловск ҷамъоварӣ гардидаанд.