Хонандагону донишҷӯён дар Тоҷикистон кай ба таътили тобистона мебароянд?

Имсол хонандагони мактабҳо то 31-уми май ба таътили тобистона мебароянд, вале давраи имтиҳонсупории онҳо то 20-уми июн идома мекунад. Донишҷӯён бошанд вобаста ба нақшаи таълимии муассисаи худ бояд имтиҳонҳои худро то 5-уми июл пурра супорида ба таътил бароянд.

Аз Вазорати маориф ва илми Тоҷикистон ба иттилоъ доданд, ки синфҳои 1-ум 22-уми май, синфҳои 2-4-ум 29-уми май ва муҳассилини синфҳои 5-11 рӯзи 30-юми май ба таътили тобистона мебароянд.