Сафири Тоҷикистон дар Теҳрон бо муовини Вазири корҳои хориҷии Эрон дидор кардааст

Низомиддин Зоҳидӣ, сафири Тоҷикистон дар Эрон бо Козим Ғарибободӣ, муовини вазири корҳои хориҷии ин кишвар дидору гуфтугӯ кардааст.

Ин мулоқот рӯзи 4-уми май сурат гирифта, дар он рушди ҳамкориҳои дуҷониба ва густариши робитаҳо дар доираи созмонҳои байналмилалӣ баррасӣ шудаанд.

Ҷузъиёти дигари ин суҳбат маълум нест. Сафорати Тоҷикистон дар Теҳрон дар сомонааш навишт, ки ҷонибҳо омодагии худро барои таҳкими минбаъдаи муносибатҳо миёни ду кишвар таъкид карданд.